ALTA SE GUNSTELING SOUSE

Mosterdsous:
250 ml suiker (1 koppie)
3 eiers
100 ml witasyn
50 ml droë mosterd, gesif
knippie sout

Plaas al die bestanddele volgens bo in ‘n stainlesteel bak, sit bo op ‘n kastrol met water.
Kook water en klits die mosterd sous bo-oor die kook water baie goed tot verdik, wanneer die skuim verdwyn, is sous amper reg, giet in skoon houers en bêre in yskas.

Pinksous:
1 groot bottel mayonnaise (750 ml)
1 x 750 bottel tamatiesous, (ek gebruik All Gold of Wellington)
sap van ‘n ½ suurlemoen
knippie sout
½ teelepel rooipeper
½ teelepel droë mosterdpoeier
suiker na smaak (ek gebruik so 6 teelepels bruinsuiker)

Meng al die bestanddele goed en bottel. Bêre in die yskas en geniet saam met enige iets.

Tartarsous:
1 x 750 ml bottel mayonnaise
2 groot eetlepels van elk van die volgende:
gekapte pers uie
kappertjiesaad
gekapte peppadews
gekapte agurkies (gerkins)
4 eetlepels kondensmelk
knippie sout
paar druppels tabascosous

Meng al die bestanddele saam, en skep in bottels. Bêre in die yskas.
Ek maak al 4 keer aan op ‘n slag vir ons broodjies en kosse, so dit word vinnig opgebruik.

Resepte en foto’s: Alta Gunter Van Dyk