ALLERLEKKERSTE BESKUIT

7 koppies bruismeel
5 koppies semels
5 ml sout
15 ml lynsaad
1 5 ml sesamesaad
15 ml anys
500 g sagte botter of margarien
60 ml olie
300 ml suiker
3 ekstra groot eiers
500 ml karringmelk
melk, opsioneel

Voorverhit die oond op 180 ºC.
Bespuit ‘n vierkantige oondpan met kleefwerende kossproei.
Sif die bruismeel in ‘n groot mengbak en voeg die semels, sout en sade by.
Vryf die botter in die meelmengsel in laat dit lyk soos broodkrummels.
Klits die olie, suiker, eiers en karringmelk saam en voeg by die droë bestanddele. Meng tot ‘n sagte deeg.
As deeg te styf is voeg biejie melk by om ‘n sagte deeg te kry.
Skep in oondpan en bak 90 min lank tot gaar. Toets met ‘n toetspen.
Laat koud word in die pan en keer uit.
Sny in beskuite en droog in oond teen 70 ºC.

Resep en foto: Amanda Austen