ADAM SE VINNIGE GROENTEGEBAK
Resep en foto: Adam Cloete
Vir daardie oomblik dat jy besef jy sal nou vinnig ‘n plan moet maak met ‘n ekstra bykos. ( Die hoeveelheid van die groente kan aangepas word vir die grootte van die gereg wat jy benodig)
- 4 medium wortels, sag gekook
- 4 groot zucchinis (baby marrows) amper sag gekook
- 250 g gevriesde mielies vir so 3 minute gemikrogolf
- ½ groot soetrissie (of een kleintjie) in stukkies gesny
- 1 groot tamatie in dun skywe gesny
- 2 eetlepels mayonnaise
- 3 eetlepels jogurt
- 1 pakkie Knorr “creamy garlic” souspoeier
- 1 eier
- sout en peper na smaak
- ‘n handvol Cheddar kaas gerasper
- Sny die wortels en zucchinis in dun lengte skywe van ongeveer 4cm lank en pak dit in lae in ‘n oondbak dat hulle oorvleuel.
- Strooi die mielies daaroor en rangskik dan die soetrissie stukkies bo-op en laastens die tamatieskywe.
- Geur met sout en peper.
- Meng die mayonnaise, jogurt, souspoeier en eier goed saam en giet oor die groente. Sprinkel die kaas oor.
- Bak in die oond by 180ºC vir ongeveer 30 tot 35 minute.
