AARTAPPELSLAAI MET KAAS EN SPEK
Almal vra altyd ek moet aartappelslaai maak en dis ‘n vinnige maklike slaai. Ek maak dit altyd die vorige dag dat die geure lekker kan trou met mekaar.
- 12 medium aartappels
- 1½ medium uie
- 400 g Gouda kaas
- 500 g spek blokkies
- 1 blikkie kondensmelk
- 750 g Cross and Blackwell mayonnaise
- sout
Kook die aartappels in water tot sag maar nog ferm.
Terwyl aartappels afkoel tot koud, braai die spek tot gaar en laat afkoel.
Sny die kaas in klein blokkies. Sny uie in fyn stukkies.
Meng die kaas, uie, spek, kondensmelk en mayonnaise saam.
Sny aartappels in blokkies.
Pak lae aartappelblokkies, mayonnaisemengsel en sout en meng deur.
Plaas in yskas tot dit opgedien word.
Resep en foto: Alta de Wet
Category:
