AARTAPPELBOMME MET MAALVLEIS

Foto en resep: Zita Harber

• 3 medium aartappels
• 300 g maalvleis
• 1 ui, fyngekap
• 1 eetlepel botter
• sout, peper, gemengde kruie na smaak
• 1 teelepel knoffel
• 1 koppie gerasperde Gouda of Mozzarella kaas
• 2 koppies witsous
• Maak die aartappels vir so 8 minute in die mikrogolf gaar. Prik gaatjies in die vel, smeer met bietjie olie, sprinkel met sout en peper en bak vir ongeveer 20 minute teen 180 °C.
• Haal uit die oond om af te koel en sny dit in die helfte deur. Hol die helftes uit en maak die “aartappel vleis” fyn.
• Meng dit met 1 eetlepel kaas, die botter, die helfte van die ui, en sout en peper na smaak. Versprei dit op die bodem van ‘n oondvaste glasbak.
• Meng die maalvleis met die ander helfte van die ui, die knoffel, sout, peper en speserye.
• Vul die uitgeholde aartappels met die maalvleismengsel en plaas dit onderstebo op die kapokaartappels in die glasbak.
• Voeg die witsous eweredig oor die aartappels en sprinkel met die oorblywende kaas.
• Bak teen 180 °C tot goudbruin, dit vat so 20 – 25 minute.