AARTAPPEL SKILLIES

Resep en foto: Gideon Louw
Ek ontdek ‘n stuk netvet innie vrieskas en ek moés toe iets daarmee maak.

4 medium aartappels, gaar gekook
netvet, genoeg om die aartappels apart toe te draai
sout en swartpeper na smaak
rissievlokkies na smaak
Jimmy sous na smaak
Dop die velletjies af van die gaar afgekoelde aartappels.
Plaas dit op ‘n groot genoeg stukkie netvet om dit mee toe te draai.
Druk en kneus die aartappel met die palm van jou hand tot die aartappel effe plat en gekraak is.
Besprinkel die aartappel met sout, swartpeper en rissievlokkies na smaak.
Draai die aartappel mooi toe met die netvet.
Braai die toegevoude aartappel op ‘n rooster oor kole, aan beide kante tot mooi bruin, krakerig en die vetjies lekker opgesuig is deur die aartappel.
Smeer dit met ‘n bietjie Jimmy sous en siedaar ‘n heerlike aartappel skillie.