AARTAPPEL EN PREISOP

3 preie, gekerf
1 groot ui, gekerf
250 gram spek, in blokkies gesny
5 aartappels, geskil en in blokkies gesny
1.5 liter kookwater, met 4 hoenderekstrak blokkies in opgelos
½ koppie room

Braai uie, preie en spek saam tot sag en gaar is.
Gooi aartappels by en roer vinnig deur.
Gooi hoenderekstrak water met sout na en peper na smaak.
Kook tot aartappels sag is.
Haal van hitte ag en laat afkoel vir so 5 minute.
Gebruik ‘n stokversapper en maak alles fyn tot dit ‘n egalige tekstuur het.
Voeg room by en roer deur. As die sop te dik is, kan jy nog water byvoeg.

Vir geroosterde ciabatta: smeer songedroogde tamatie olie weerskante en bietjie sout. Rooster in die oond tot ligbruin weerskante.

Foto en resep: Adele Horn