HOENDERKROKETTE

Resep en foto: Susanna Kruger

2 hoenderfilette
3 aartappels
1 medium ui
3 eier
1 teelepel bakpoeier
knippie sout en peper
1 teelepel origanum en kruie na smaak
gerasperde gouda, mozzarella of cheddar na smaak
broodkrummels
suurlemoensap na smaak
olie vir vlak braai
Sny die hoender in stukkies, plaas in ‘n voedselverwerker en maak fyn.
Kook ongeveer 3 aartappels tot sag en druk fyn.
Voeg die hoender by die kapokaartappels en voeg 1 eier, bakpoeier, sout, peper kruie en origanum by en meng goed. Voeg kaas by en meng alles goed saam.
Klits 2 eiers met bietjie suurlemoensap voeg sout, peper en weer bietjie origanum meng goed en plaas in ‘n bakkie.
Plaas die broodkrummels in ‘n aparte bakkie.
Vorm die hoendermengsel in jou hand langwerpig rond of plat.
Maak die olie solank warm in ‘n kastrol.
Doop die gevormpde hoenderkrokette in die eiermengsel en rol dan in die broodkrummels tot goed bedek.
Bak in die warm olie tot goudbruin. Pasop vir nie te warm olie nie dan gaan hulle baie donker braai.
Haal uit en plaas op handdoek papier.