DONUTS MET VLAVULSEL

Resep en foto: Elaine Steyn

Donuts:
180 ml kookmelk
70 g suiker
knippie sout
1 pakkie kitsgis
¼ koppie warm water
4 koppies gesifte koekmeel
80 ml botter of margarien
2 ekstra groot geklitste eiers
olie vir diepbraai
Voeg water en botter by melk en roer tot suiker opgelos en botter gesmelt is.
Laat afkoel tot sterk louwarm.
Meng koekmeel, sout en gis.
Maak holte in die middel en voeg louwarm melkmengsel en geklitste eiers daarby.
Meng goed en knie sowat 4 minute tot deeg nie meer vassit aan skottel nie. (Dit deeg sal stywerig wees).
Bedek en laat rys op warm plek tot dubbel in volume – sowat 30 – 45 minute.
Rol 1.25 cm (12.5 mm) dik uit en sny in lang werpige stroke.
Vorm donuts se punte.
Plaas in ge-oliede bord of bak.
Bedek met skoon vadoek en laat rys weer sowat 30 – 40 minute tot lig.
Laat olie warm word (toets met klein stukkie deeg en sodra dit bak, sit eerste donut in en stel plaat sodat dit nie te vinnig bak nie – anders is dit buite bruin en binne nog nie gaar nie.
Haal uit sodra mooi bruin aan beide kante en sit op handdoek papier.
Laat koud word op rooster.
Sny oop en vul sodra afgekoel het.
Jy kan dit vul met styfgeklopte room, of met ‘n vla vulsel.
Vlavulsel:
2 eiergele
1 eier (geel en wit)
3 koppies melk
½ koppie suiker
80 ml Maizena
knippie sout
1 teelepel vanilla geursel
2 eetlepels botter
Maak Maizena aan met ½ koppie van die melk.
Klits eiergele en eier en meng saam met suiker by maizenamengsel tot suiker opgelos is.
Bring intussen res van die melk tot kookpunt.
Sodra die melk kook roer die maizenamengsel alles op een slag by die kokende melk.
Hou aan roer (ek gebruik sommer my een klitser spaan in plaas van ‘n hand klitser) totdat die mengsel kook en verdik.
Verwyder van hitte en voeg botter by.
Roer tot botter heeltemal gesmelt en ingemeng is.
Roer geursel by.
Giet mengsel in hitte bestaande bak en bedek dadelik met kleefplastiek, laast die kleefplastiek op bo-op die vla lê, dit keer dat daar ‘n vel vorm.
Verkoel tot behoorlik koud, sowat 1 tot 2 ure. Mengsel sal styf wees. Haal uit yskas en meng met ‘n lepel.
Skep in versierbuis.
Spuit binne in donuts.