OUTYDSE MACARONI EN KAAS
- 500 g macaroni, gekook
- 750 g maalvleis
- 1 ui, gekap
- 3 eetlepels blatjang
- sout en peper, speserye
- 4 groot tamaties
- 6 jumbo eiers
- 2 ½ koppies volroom melk
- 5 koppies gerasperde kaas
Braai die uie tot sag.
Voeg maalvleis en speserye by, braai goed deur.
Voeg die blatjang en gaar maalvleis by die gaar pasta.
Klits eiers en melk voeg sout en peper by.
Meng die eiermengsel by die maalvleis en pasta in.
Skep die mengsel in ‘n gespuite oondpan. Strooi die kaas oor.
Pak tamatie skywe bo op die kaas en sprinkel sout en peper oor.
Bak by 190° C vir 45 minute of tot deur warm en kaas goed gesmelt.
Resep en foto: Ronell Boshoff
