WITSOUS MET MAIZENA EN KOEKMEEL

Resep en foto: Dalene Venner
My Ouma het my hierdie metode gewys toe ek nog baie klein was. Dit is vir my net ‘n maklike manier, so probeer dit gerus.

• 1 liter melk
• 2 eetlepels koekmeel
• 2 eetlepels Maizena
• ½ teelepel sout
• 250 ml kaas, gerasper
• Plaas die melk, meel, Maizena en sout alles saam in ‘n kastrol.
• Verhit oor medium hitte terwyl jy heeltyd roer met ‘n balklitser.
• Die geheim is om net die hele tyd te roer.
• Wanneer dit begin verdik, kan jy besluit of jy dit dikker of dunner wil hê.
• Indien dunner, voeg net melk by.
• Indien dikker, voeg net nog meel en Maizena by.
• Indien jy lekker romerige sous wil hê, vervang jy net die helfte van die melk met room.
• Nou is die tyd om die kaas by te roer.  Kaassous… fiola!!