NICOLENE SE VRUGTEKOEK

Foto en resep: Nicolene Mynhardt Steyn
OK so hier is wat ek gedoen het.

• Vrugtemengsel (Kook die volgende vir 20 minute op matige hitte)
• 1 kg “luxury cake mix” (met kersies en neute)
• 2,5 k suiker
• 4 koppies water
• 1 koppie Stork
• Voeg dan by en laat afkoel:
• 2 teelepels koeksoda
• 250 g dadels, gekerf
• 1 koppie sitrus skil
• Voeg by:
• 4 eiers, geklits
• 2 teelepels vanilla geursel
• Meng eenkant:
• 4 koppies koekmeel
• 2 teelepels bakpoeier
• 2 gehoopte teelepels kakao
• 2 teelepels kaneel
• Voeg die meelmengsel in 3 dele by die vrugte en meng goed na elke byvoeging.
• Deel mengsel in 2 x 23 cm koekpanne. Die koek rys nogal, so moenie te vlak panne gebruik nie.
• Bak op 150°C vir 1 uur 45 min tot 2 ure. Pasop vir brand.
• Notas:
• My panne het glas bodems, so die koek het effe gebrand onder.
• Ek het lemoen stroop van ‘n vorige resep warm gemaak en oor die 1 koek gegooi toe dit uit die oond kom. Die koek op foto het die stroop oor. Die gesnyde stuk is die koek sonder die stroop.
• Ek dink nie mens kan regtig verkeerd gaan met vrugtekoek nie. Dit bly hemels.