MAKLIKE SKAAPBOUD OP DIE STOOF

Resep en foto’s: Stefaans Blaauw
GEEN marinades nodig, geen karringmelk, geen souse, nie gestop met enige vet of knoffel nie. Geen beef stock of enige stock word bygevoeg nie.

• skaapboud
• sout
• peper
• koljander
• 3 eetlepels bruinasyn
• 1 – 2 naeltjies
• ½ pot water
• gekerfde uie, na smaak
• aartappels, in kwarte gesny
• Vryf die boud in met die speserye en bruinasyn. Plaas in ‘n pot saam met die naeltjies.
• Kook in ‘n halwe pot water vir ongeveer 3 ure.
• Laat droog kook en potbraai die boud in sy eie vet (nie kookolie nie) saam met die gekerfde uie.
• Voeg dan nog ongeveer 2 koppies water by en voeg die aartappelkwarte by die bruinsous in die pot.
• Kook totdat die aartappels sag is en die sous lekker verdik het.

Bedien soos verkies met rys en groente.