SUURLEMOEN MERINGUE VANILLAKOEK

Foto en resep: Marié Fourie

• Enkellaag vanillakoek:
• 1 koppie suiker
• 4 eiers
• 1.5 teelepel vanilla geursel
• knippie sout
• 2 koppies koekmeel
• 2 teelepels bakpoeier
• 1 koppie warm water
• 4 eetlepels olie
• Klits die suiker en eiers saam tot lig en romerig. Voeg die geusrel en sout by die eiermengsel en klits goed. Meng die meel by die beslag in.
• Strooi die bakpoeier bo-oor die beslag, maar moet dit nog nie inmeng nie. Mend die warm water en die olie en voeg dit by die beslag (die bakpoeier gaan begin bruis).
• Meng alles goed saam, skep in ‘n voorbereide koekpan en bak in ‘n oond (voorverhit tot 180° C) vir ongeveer 35 minute of tot ‘n toetspen skoon uitkom.
• Laat die koek vir ‘n dag staan, anders is dit te vars om uit te hol.

• Suurlemoenvulsel:
• 2 blikkies kondensmelk
• 250 ml suurlemoensap
• 6 eiergele
• Roer die bestanddele saam. Verhit in die mikrogolf vir 30 sekondes op ‘n keer en roer na elke 30 sekondes.
• Herhaal vir 6 minute. Die mengsel sal nog papperig lyk. Laat heeltemal afkoel.

• Meringue:
• 6 eierwitte
• 1 koppie strooisuiker
• 1 teelepel kremetart
• Klits die eierwitte baie goed, meng die kremetart met die strooisuiker en voeg die strooisuikermengel bietjie vir bietjie by tewyl jy heeltyd klits tot sagte punte vorm.
• Hol die vanillakoek uit en vul dit met die suurlemoenvulsel. Skep die meringue oor die koek en bak in oond teen 180°C vir ongeveer 30 minute.
• Hou maar dop tot eierwitte mooi verkleur. Laat heeltemal af koel op die plaat voor jy die koek op ‘n bord sit.
• Nota:  Rina Kleinhans – jy kan die oond afskakel en die deur effens oopmaak en die koek in die oond laat afkoel vir ‘n pragtige meringue.