NEUTERIGE KORINGMEEL (NUTTY WHEAT) KARRINGMELKBESKUIT

Plasing en foto: Elsabie Templeton
Foto 2 vir oorspronklike resep: Elsabie Templeton
“Hierdie resep se oorspronklike weergawe is ook op die blog as “VINNIGE KARRINGMELK BESKUIT. Hierdie variasie is tydens grendeltyd 2020 ontwikkel: Lockdown day #187. Hierdie resep is genoeg deeg vir 2 panne van 370 x 270 x 60 mm elk– binne mate. Ek sny met ‘n elektriese mes wanneer heeltemal afgekoel; dit maak minder krummels as om met broodmes te sny.”

• 10 koppies (1,4 kg) neuterige koringmeel (nutty wheat)
• 100 g sonneblom- en pampoensade (50 g elk)
• 4 koppies karringmelk – ek gebruik 3 koppies melk en 1 koppie witasyn
• 5 ml sout
• 8 teelepels bakpoeier
• 2 koppies sagte bruinsuiker (treacle brown sugar)
• 5 eiers
• 500 g kunsbotter – ek gebruik stork for baking of botter
• Voorverhit oond tot 180 °C.
• Sif koekmeel en bakpoeier saam.
• Voeg res van droë bestanddele by en meng goed.
• Smelt kunsbotter/botter in mikrogolf.
• Voeg kunsbottter, eiers en karringmelk by droë bestanddele en meng goed.
• Skep deeg in gesmeerde panne en bak vir ‘n uur.
• Laat afkoel en sny in vingers.
• Droog oornag uit by ongeveer 60 °C.