EMELIA SE SOET MOSBOLLETJIES

Resep aangepas deur Emelia Victor
Foto: Emelia Victor

• 600 g koekmeel
• 3 ml sout
• 100 g suiker
• 70 g botter
• 70 ml lou water
• 1 eier
• 200 ml mos
• 10 ml kitsgis
• anys, opsioneel
• Sif meel en voeg suiker en sout by.
• Ek het broodmasjien gebruik om te knie.
• Plaas die gis onderin bak en dan meelmengsel.
• Smelt botter en voeg louwater en eier by. Meng liggies.
• Maak ‘n gaatjie in die meel en giet die eiermengsel in en dan die mos.
• Anys is opsioneel, voeg nou by indien gebruik word.
• Stel broodmasjien op “deeg” en dit knie dan deeg. Ek het dit oornag laat staan en volgende oggend uit masjien gehaal.
• Glad nie weer geknie net bolletjies gerol en in gesmeerde broodpan gepak.
• Broodpan op warm plek gesit sodat die bolletjies uitrys.
• Moenie te haastig wees. Dis ‘n stadige proses.
• Bak in voorverhitte oond 180°C vir 30 minute, skakel die oond af en los die deur oop vir verdere 10 minute.
• Broodjie op rooster uitgekeer en botter en suiker gesmelt en bo-oor gesmeer. Kan uitgedroog word indien verkies.