SPRINGBOKRADIO SE KERSIE-KARRINGMELKBESKUIT

Resep geplaas deur Karin Blignaut
Foto: Frikkie Jones

• 1 kg bruismeel (of 1 kg koekmeel en 30 ml bakpoeier)
• 10 ml (2 teelepels) bakpoeier
• 10 ml (2 teelepels) sout
• 500 g kunsbotter
• 1 blik (385 g) kondensmelk
• 125 ml (½ koppie) bruinsuiker
• 500 ml (2 koppies) karringmelk/amasi
• 100 g rooikersies, gekap (ek het helfte groen-, helfte rooikersies ingesit)
• 100 g pekanneute, gekap
• Verhit oond tot 190 °C. (lees nota onder aan)
• Smeer ‘n groot vierkantige oondpan met kunsbotter of bespuit met kossproei.
• Sif meel, bakpoeier en sout in ‘n groot bak en vryf kunsbotter in.
• Meng kondensmelk, bruinsuiker en karringmelk.
• Meng droë en nat bestanddele met ‘n houtlepel.
• Voeg kersies en neute by en druk mengsel vas in ‘n voorbereide beskuitpan.
• Bak vir 50 minute of tot goudbruin en ‘n toetspen in die middel skoon uitkom.
• Keer uit op ‘n draadrak, laat afkoel en sny in bekuit stukkies.
• Droog beskuit stukkies oornag in die oond by 100 °C met deur effe oop.

Nota: Frikkie Jones sê: Ek sal dit volgende keer net by 160°C bak en nie 190°C soos op die resep aangedui is nie. Ek sal ook die neute effens rooster voor ek dit opkap. Verder is dit heel lekker. Nogals eiervry.