PLAASVERVANGERS

VIR KARRINGMELK
1 koppie karringmelk = 1 koppie vars melk + 1 eetlepel suurlemoensap of asyn gemeng en laat 15 minute
OF
⅔ koppie gewone jogurt + ⅓ koppie vars melk gemeng. Laat 5 minute staan voor gebruik. Melk moet kamertemperatuur wees.
VIR VARS ROOM
250 g vars room = 185 ml melk + 65 ml botter
OF
170 ml karringmelk + 80 ml olie
OF
1 groot piesang, 1 eierwit, 1 eetlepel suiker. Druk piesang fyn. Klits die eierwit styf. Voeg die suiker geleidelik by. Klop die fyn piesang en gebruik i.p.v. room.
OF
1 koppie melk
1 eetlepel Maizena
sout
250 g margarien
1 teelepel vanielje
1 teelepel karamel geursel
Kook melk, Maizena en sout saam. Roer aanhoudend. Haal van stoof. Roer tot koud. Room margarien, versiersuiker en geursel tot romerig. Gooi by Maizena mengsel en roer goed. Die “room” vries ook goed.
OF
Vir 250 ml DUN ROOM gebruik 250 ml onverdunde ingedampte melk.
Vir 250 ml DIK ROOM gebruik 170 ml karringmelk en 80 ml olie.
VIR JOGURT
Vervang 250 ml jogurt met 250 ml suurmelk of karringmelk.
VIR SUURLEMOEN
Vervang 5 ml suurlemoensap met 2 ml asyn.
VIR BAKPOEIER
5 ml bakpoeier = 1 ml koeksoda + 2.5 ml kremetart
OF
As jy nie bakpoeier in die huis het nie, vervang 20 g bakpoeier met 10 ml kremetart en 5 ml koeksoda.
OF
Sif 30 ml cream of tartar (kremetart), 15 ml bicarbonate of soda (koeksoda) en 15 ml cornflour (Maizena) saam.
VIR EIER
1 eier = 2 eetlepels Maizena + 2 eetlepels water (gemeng)
In klein koekies: 1 eier + 5 ml bakpoeier = 15 ml koeksoda
1 Eier kan vervang word in gebak met 1 Eetlepel Cross+Blackwell Mayonnaise
EIERWITTE BY KAMERTEMPERATUUR KLITS TOT ‘N BETER VOLUME.
VIR SJOKOLADE
28 g sjokolade = 37 ml kakao + 10 ml botter
VIR BROODKRUMMELS
Maak toast en rasper dit – kan ook meng met bruin uiesoppoeier.
Maak Corn Flakes fyn en gebruik dit vir krummels. (Wheat free krummels)
OM KOEKMEEL IN BRUISMEEL (SELFRAISING) TE VERANDER
4 x 250 ml koekmeel, 30 ml kremetart, 15 ml koeksoda
Sif alles 4 x saam en gebruik i.p.v bruismeel.
OF
Vervang 250 ml bruismeel met 240 ml koekmeelblom, 7 ml bakpoeier en 2 ml sout.
MAAK JOU EIE BRUINSUIKER
Bruinsuiker = 2.2 kg wit suiker + 62.50ml molasses
1 koppie molasses = 12 oz (350 g)
Meng goed in voedselverwerker. Molasses is swaar in gewig.
Hou dit in ‘n verseëlde bak en dit kan tot 3 – 4 weke hou.