WORSIEMUFFINS

Gemaak deur Wian Swart
Foto: Wian Swart

2 koppies koekmeel
1 eetlepel bakpoeier
3 teelepels suiker
knypie sout
3 groot eiers
1 koppie volroom melk
3 eetlepels olie
worsies van jou keuse
½ koppie kaas, gerasper
½ koppie heelpit mielies
knypie mosterdpoeier
knypie Cayenne peper
knypie pietersielie
Voorverhit oond tot 180ºC.
Meng al die droë bestanddele in ‘n groot mengbak. Voeg die kaas en mielies by.
Klits die eiers, melk en olie saam. Voeg dit by die droë bestanddele en roer vinnig saam om deur te meng.
Skep lepelsvol in muffinhouertjies, tot amper vol en druk worsies in die middel.
Bak vir 25 minute tot goudbruin.