GEURIGE KERRIEHOENDER MET SUURLEMOEN

Resep en foto: Amanda Austen

• 9 hoenderdye en -boudjies
• Marinade:
• 250 ml ongegeurde jogurt
• 30 ml olie
• sap van 1 suurlemoen
• 2 knoffeltoontjies, fyn gedruk
• 15 ml paprika
• 30 ml matige kerriepoeier
• 5 ml fyn komyn
• 5 ml fyn koljander
• 3 ml borrie
• sout en peper na smaak
• Meng bestanddele vir die marinade saam in ‘n groot bak.
• Voeg die hoender by die marinade en meng goed sodat elke stuk bedek is met die marinade.
• Bedek en verkoel vir minstens 1 uur of oornag vir meer geur.
• Voorverhit die oond tot 190ºC.
• Rangskik die hoender in ‘n liggies gesmeerde oondbak en bak vir 45 – 55 minute of totdat die hoender goudbruin en gaar is.
• Skep die pansouse oor die hoender halfpad deur die baktyd.
• Vir ekstra kleur indien verkies, rooster die hoender onder die oondelement vir die laaste 5 minute.