SUURLEMOEN BRÛLÉE

Resep en foto: Jennifer Ensink

• 1 suurlemoen, skil afgerasper
• 3 suurlemoene gehalveer in die lengte
• 500 ml slagroom (“whipping cream”)
• 120 g witsuiker
• bruinsuiker vir die bolaag
• Verwyder die “vleis” van die 3 suurlemoen wat halveer is versigtig uit die skil, sodat die skil helftes soos bakkies gebruik kan word.
• Druk die suurlemoenvleis deur ‘n sif en meet ongeveer 110 ml sap af, plaas eenkant.
• Voeg die slagroom, witsuiker en die fyn gerasperde skil in ‘n kastrol.
• Bring die mengsel op die stoof tot ‘n sagte prut.
• Prut die sap tot effens verminder en verdik, dit moet die agterkant van ‘n lepel bedek wanneer toets.
• Roer die 110 ml suurlemoensap by die roommengsel.
• Die mengsel sal dadelik dikker word, maar steeds loperig (nie so dik soos melktertpap nie).
• Giet die warm mengsel in die uitgeholde suurlemoenskildoppe en laat dit afkoel tot kamertemperatuur.
• Plaas die gevulde suurlemoendoppe in die yskas vir 6 ure of oornag tot gestol.
• Strooi bruinsuiker bo-oor elkeen en gebruik ‘n gasblaasvlam (“blow torch”) om die suiker te smelt en goudbruin te karamelliseer.
• Bedien dadelik na die suikerlaag hard geword het.
• Nota:
• Indien jy nie ‘n gasblaasvlam het nie, kan jy die brûlée kort rukkie onder ‘n baie warm oondrooster plaas om die suiker te karamelliseer.