VINNIGE ERTJIESOP (onder ‘n halfuur)
Resep en foto: Lorraine Weitz Brand
Ideaal (en vinnig) vir die koue winters!! Resep by my oudste seun gekry. Hy maak dit graag.
- 2 blikkies ertjies
- 1 blikkie “Mild and Spicy” Chakalaka
- 3 blikkies water
- 1 blikkie melk
- sout en peper na smaak
- Keer 2 blikkies ertjies met brine en al in ‘n kastrol uit.
- Voeg 2 blikkies water by.
- Kook ertjies op hoog tot sag (moet maklik oopbars). Myne gekook vir 15 minute.
- Meng die mengsel in ‘n blender fyn soos hoe jy daarvan hou. Ek het nie ‘n blender nie en gebruik my elektriese klitser. Ons hou van dit nie heeltemal fyn/glad nie. Jou keuse.
- Voeg die Chakalaka by en nog een blikkie water en een blikkie melk.
- Kook nog vir so 10 minute. As dit nog steeds te dik is, voeg nog bietjie melk of water by.
- Voeg sout en peper by na smaak by.
- Bedien met vars brood en botter.
- Ekstra Notas
- Jy kan gevriesde ertjies ook gebruik maar ek hou by die blikkies.
- Ons gebruik graag eerder die “Hot and Spicy” Chakalaka.
Category:
