WENNER MOSSELPASTA

Resep geplaas deur Gideon Louw
Foto: Gideon Louw
My aand kossies is my pasta gereg saam met mossels en dit WAS lekkkkr!

2 eetlepels ongesoute botter
½ pakkie spek
2 shallots, gekap
1 koppie witwyn
¼ teelepel rissievlokkies
1 groot blik geblikte tamaties (ons het vars tamaties gebruik)
5 koppies rou spaghetti
¼ koppie vars pietersielie
1 huisie knoffel
40 – 50 skoon mossels, alreeds in water gekook sodat hulle oopgaan
Verhit botter en voeg spek en shallots by en roer tot spek verbruin.
Voeg die wyn en rissievlokkies by en kook vir ongeveer 2 min tot die vloeistof verminder het.
Voeg die tamaties by en kook (± 10 min) tot vloeistof met die helfte verminder het.
Intussen kook die spaghetti in soutwater volgens aanwysings en dreineer.
Kap die pietersielie, knoffel en 1 teelepel sout saam op ‘n houtbord.
Voeg die mossels by die sous en roer.
Bedek en kook vir ± 10 min.
Verwyder die mossels en sit dit in ‘n aparte bak.
Voeg die spaghetti by die sous en verhit vir 1 min.
Voeg knoffelmengsel by.
Skep die pastamengsel in ‘n bak en skep die mossels bo-op.