GIDEON SE SNOEKKOPSOP

Resep en foto: Gideon Louw

6 – 8 snoekkoppe
1 ½ – 2 liter water
3 lourierblare
6 peperkorrels
1 groot geelwortel, grof gerasper
2 uie, gerasper
1 groot aartappel, gerasper
1 eetlepel botter
1 eetlepel olie
2 eetlepels kerrie
1 teelepel borrie
2 teelepels suurlemoensap
½ koppie gekapte pietersielie
sout en peper na smaak
1 teelepel rissie vlokkies
‘n knerts Worcestersous
3 eetlepels suiker
Kook snoekkoppe vir omtrent 10 minute skep die skuim af. Haal uit die water, haal alle vleisies af as dit afgekoel is.
Braai uie, kerrie, botter en olie tot gaar.
Voeg water, geelwortel en aartappel bymekaar in groot kastrol saam met viskop vleis, kook stadig vir 1 uur.
Ek het nadat dit ‘n uur gekook het ‘n koppie room bygevoeg en nog vir 10 min laat prut.
Voeg sout en peper en suurlemoensap by en kook deur.
Sit pietersielie by voor opdien en roer goed, bedien saam met vars volgraan kroetons.