PIESANG-KARAMEL KAASKOEK MET SKYFIES PIESANG

Resep verskaf: Amanda Bruger
Foto:  Irma Van Ellewee Swart

• 1½ pakkie Tennisbeskuitjies
• 150 g gesmelte botter
• Maak die Tennisbeskuitjies fyn en meng met die gesmelte botter.
• Druk die mengsel in ‘n gesmeerde veerpan wat met foelie uitgevoer is en weer gesmeer is vas.
• Druk dit op die bodem en so half teen die kante op vas en verkoel so 1 uur in die yskas.
• Vulsel:
• Klits die volgende saam styf:
• 250 ml room
• 60 ml strooisuiker
• Voeg die volgende by en klits goed:
• 2 – 3 houers roomkaas  (ek gebruik graag Lancewood se roomkaas, dit is lekker styf)
• Meng die volgende saam:
• 1 teelepel gelatien
• 50 ml koue water
• Ekstra:
• 1 blikkie karamelkondensmelk
• 3 groot piesangs, in skyfies gesny
• Opsioneel:
• kakao vir oorsprinkel
• karamel springmielies
• karamelstroop
• Los die gelatien in die koue water op en verhelder dit deur die houer in warm water te sit tot helder.
• Klits die gelatine by die roomkaasmengsel in.
• Klits die karamelkondensmelk goed met ‘n vurk tot glad en voeg by die roomkaasmengsel.
• Sit die mengsel 30 minute in die yskas.
• Indien verkies sny 3 groot piesangs in skyfies en roer dit in die mengsel in.
• Skep die mengsel oor die kors en verkoel oornag.
• Sif kakao liggies oor of versier soos verkies en bedien.

Nota: Irma Van Ellewee Swart –
Versier met karamel popcorn en karamel stroop. Was nog nie braaf genoeg om ‘n springform pan te gebruik nie.

Bron: Wenresepte 7 Kuier-kuier deur die land van Carmen Niehaus