SKAAPLEWER STEAKS

Nog ‘n randrekker dis. Sny jou lewer soos steaks en maak gaar soos steak. Lewer wat reg gaargemaak is, is heerlik.

• 500 g skaaplewer, vliese en are verwyder
• sout en grof gemaalde swartpeper
• botter en olyfolie vir braai
• Soetsuursous:
• 4 uie, grof gekap
• 3 knoffelhuisies, gekap
• 5 ml (1 teelepel) sout
• 5 ml (1 teelepel) rooipeper
• 5 ml (1 teelepel) brandrissievlokkies
• 5 ml (1 teelepel) paprika
• 100 ml suurlemoensap
• skil van 1 suurlemoen
• 125 ml bruinsuiker
• 200 ml water
• meel om sous te verdik

Lewer:
Sny die lewer in stukke en geur met die sout en peper.
Verhit die botter en olyfolie in ’n diep riffelpan.
Braai die lewerstukke vinnig aan weerskante tot net gaar. Verwyder van die hitte en hou eenkant.
Suursous:
Braai die uie en knoffel liggies in ’n bietjie botter en olie.
Voeg die res van die bestanddele, buiten die meel, by. Laat prut tot al die suiker gesmelt en die speserye goed deurgekook is.
Verdik die sous met ’n bietjie meel wat aangemaak is tot ’n pasta en kook deur. Roer.
Sit voor met die gaar lewer.
Bedien die lewer en sous met kapokaartappel of mieliepap en slaai.

Foto: Elize de Kock
Aangepas: Elize de Kock