GROWWE SAADBESKUIT

Resep geplaas deur en foto: Helene Burger

• 250 g bak margarien
• 250 ml olie
• 1 liter karringmelk of suurmelk
• 30 ml vanilla geursel
• 250 ml suiker
• 5 ml sout
• 250 ml sonneblomsaad
• 125 ml elk lynsaad, sesamsaad, pampoensaad en klapper
• 250 ml graanvlokkies (veselryk soos All Bran) fyngedruk
• 250 ml hawermout
• 6 x 250 ml koppies koekmeel (840 g)
• 40 ml bakpoeier
• Voorverhit oond tot 180 ºC.
• Smeer standaardoondpan met olie.
• Smelt margarien en olie saam tot net onder kookpunt.
• Roer karringmelk, vanilla en suiker by. Roer tot suiker opgelos is.
• In afsonderlike groot mengbak of skottel, meng die sout, sade, klapper, graanvlokkies, hawermout koekmeel en bakpoeier goed saam.
• Voeg margarien- en karringmelkmengsel by en meng baie goed deur.
• Skep die mengsel in die oondbak, smeer gelyk en bak 50 – 60 minute tot die beskuit deurgaar is en ‘n toetspen skoon uitkom.
• Haal uit en laat ‘n paar minute in die pan afkoel.
• Gebruik ‘n broodmes om dit in lang stroke te sny en in vingers te deel.
• Pak op bakplate en droog stadig uit teen 70 º C vir ten minste 6 ure.