VINNIGE SKONS

6 koppies koekmeel
3 eetlepels suiker
9 teelepels bakpoeier
12 eetlepels gesmelte margarien
3 eiers
3 knippies sout
1¾ koppie melk

Meng al die bestanddele saam tot net goed gemeng.
Druk die deeg met jou hand plat op ‘n oppervlak wat gestrooi is met meel tot die deeg ± 2 cm hoog is en druk ronde vorms uit die deeg.
Druk net reguit af, moenie die vorms rond draai in die deeg nie, dit help dat die skons regop bly tydens die bakproses.
Plaas op ‘n gesmeerde bakplaat en bak vir ± 15 minute in ‘n voorafverhitte oond teen 180 ºC tot bruin bo-op.

Resep en foto: Annelizle Botha