VANILLA MUFFINS MET KERRIEPOEIER, PIESANGGEURSEL EN KLAPPER

Baie mense eet kerriekos met piesang en klapper – dit het my die idee gegee om ‘n (vir my) vervelige Vanilla muffin mix bietjie op te kikker.

1 kg Golden Cloud Vanilla Muffin mix
4 groot eiers
1 koppie sonneblomolie
2 koppies water
4 eetlepels kerriepoeier (gebruik minder as jy nie die brand wil hê nie)
4 eetlepels piesanggeursel (dis baie belangrik!!!!)
2 koppies fyn klapper
ekstra klapper om bo-op te strooi

Voorverhit oond tot 180ºC.
Smeer 2 x 12 kolwyntjiepanne.
In ‘n groot bak, meng die Vanilla muffinmengsel met die kerriepoeier en klapper.
In klein bak, klits die eiers, olie, water en piesanggeursel saam.
Voeg die meelmengsel by die eiermengsel en roer deur.
Skep in kolwyntjiepanne en strooi ekstra klapper oor. Bak vir 20 minute of tot gaar toets.
Laat afkoel in pan vir 5 minute.

Resep en foto: Alma Pretorius