TUNA-, SAMPIOEN- EN SKYFIEGEREG

Resep en foto:  Elma Brittz-Venter
‘n Heerlike ligte middag- of aandete met ‘n slaai van jou keuse.

• 3 blikkies tuna in water, gedreineer
• 1 blik mossels, gedreineer
• 1 blik sampioenstingels en stukkies
• 1 pakkie hoenderroomsop
• ½ pakkie sampioenroomsop
• 1 x 125/150 g suurroom en grasuie skyfies, fyn gedruk, maar nie te fyn nie
• 3 eiers, geklits
• 100 ml room
• gerasperde kaas
• paprika of Aromat
• Dreineer sampioenstingels en behou die gedreineerde water.  Meng die soppoeiers met sampioenvloeistof – vul vloeistof met melk en room aan tot 500 ml vloeistof.
• Verhit oor medium hitte tot  sop begin verdik.  Klits die eiers en voeg ‘n klein bietjie van die warm sampioenvloeistof by die eiers en meng goed deur.
• Roer nou die eiermengsel, tuna, mossels, gesnipperde sampioene en skyfies by die sopmengsel in.
• Plaas die mengsel in ’n gesmeerde bak van 23 x 30 cm, maak gelyk bo-op en bak vir 25 tot 30 minute in voorafvefhitte oond teen 180 °C.
• Tien minute voordat gereg gereed is word gerasperde kaas en Aromat of geursel van keuse bo-oor gestrooi en gebak vir laaste 10 minute tot kaas begin borrel.   Bedien warm of louwarm.