ROMERIGE VARKVLEISREPIES OP PASTA

800 g varkvleisrepies
25 ml olie
2 medium uie, gekap
1 knoffelhuisie, fyngedruk
1 lourierblaar
sout en peper na smaak
5 ml vars gemmer, gerasper
5 ml koljander
3 ml paprika
30 ml suurlemoensap
300 ml vleisaftreksel
30 ml mielieblom, aangemaak met bietjie koue water
200 ml natuurlike jogurt

Verhit die olie in ‘n kastrol of diep pan en roerbraai die varkrepies daarin tot net bruin.
Skep uit en hou eenkant.
Voeg die uie en knoffel by en roerbraai tot sag.
Voeg die geurmiddels, suurlemoensap en vleisaftreksel by, asook die varkrepies.
Laat prut so 20 minute lank tot geurig.
Verwyder die lourierblaar.
Verdik die vloeistof met die mielieblompasta en laat net opkook.
Voeg die jogurt by en verhit tot warm.
Dien op met pasta.

Resep en foto : Amanda Austen