RINA SE PIESANG-, KLAPPER- EN NEUTMUFFINS

Resep en foto: Rina Kleinhans

• 350 ml bruismeel (ek het gluten vrye meel gebruik)
• 50 ml semels
• 5 ml bakpoeier
• 5 ml koeksoda
• 125 ml hawermout
• 3 ryp piesangs, fyngemaak, as hulle klein is sit een gerasperde appel by
• 1 groot eier, geklits
• 75 g fyngekapte neute
• 50 ml klapper
• 75 g margarien/botter, gesmelt en afgekoel
• 10 ml asyn
• 2.5 ml sout
• Opsioneel:
• 50 ml suiker of versoeter – proe aan jou deeg en pas aan na smaak
• Voorverhit die oond tot 180 ºC.
• Sif die meel, bakpoeier en koeksoda saam, meng met die neute, klapper, suiker en hawermout.
• Maak die piesangs fyn, klits die eier en meng die piesang, eier en botter, voeg die asyn by.
• Meng nou die twee mengsels saam, indien die deeg te droog is, voeg bietjie melk by, maar ek het nie nodig gehad nie.
• Sit papiervorms in jou groot muffin pan, en skep die deeg in die 6 vorms, of 12 kleintjies.
• Bak vir 25 min  as dit in die 6 pan gebak word of tot gaar vir die kleitnjies.
• Nota: Hulle is op hulle lekkerste wanneer hulle warm geëet word.
  Met die glutenvrye meel het dit amper die tekstuur van ‘n skon.