PAPAJAKONFYT
Resep en foto: Petra Venter
Ek het vandag weer papajakonfyt gekook. Ek gebruik ryp papajas daarvoor.
Hierdie konfyt is heerlik. Maak dit gerus.
- 3,2 kg papaja geskil en in blokkies gesny
- 3.2 kg suiker
- fyn gerasperde skil van 3 suurlemoene
- 560 ml suurlemoensap
- Skil die papajas en sny in klein blokkies.
- Plaas in lae in ‘n groot pot, met gelyke hoeveelheid suiker.
- Laat staan oornag om stroop te trek of maak soos ek en plaas dit vroegoggend in die pot en kook dan die namiddag.
- Voeg die gerasperde geel skil van 3 groot suurlemoene by.
- Plaas kastrol op plaat en op medium hitte, tot suiker gesmelt is.
- Roer gereeld. Kook vir 30 min.Voeg die 560 ml suurlemoensap by.
- Maak die binnenste boonste deel van die pot met ‘n kwassie, wat in kookwater gedoop word, skoon.
- Smeer die deel wat jy skoongemaak het met botter. Dit verhoed dat die konfyt nie oorkook nie.
- Stel die plaat op hoog en kook tot die konfyt dikker, helder en die stukke deurskynend begin word.
- Roer gereeld, veral teen die einde, sodat dit nie vasbrand nie.
- Plaas ‘n piesing in die vrieskas om op te toets later.
- Kook vir 1 uur ongeveer.
- Verwyder van hitte af en maak met ‘n staafmenger fyn.
- Toets ‘n bietjie konfyt op ‘n piering, wat jy vooraf in die vrieskas geplaas het.
- Skep in gesteriliseerde bottels, verseël en plaas onderstebo, sodat die deksels seël.
- Nota:
- Vir elke 1 kg papaja gebruik 175 ml suurlemoensap
- As jy van die stukke hou kan jy dit heel hou.
Category:
