PAMPOEN POFFERTJIES IN KOEKSISTERSTROOP

Beslag:
1 ½ koppie koekmeel
1 koppie gaar pampoen
1 ½ teelepel bakpoeier
2 eiers
knippie sout
olie vir diep braai
Stroop:
2 koppies suiker
3 koppies water

Meng al die bestanddele buiten die olie. Plaas die olie in ‘n kastrol en verhit.
In ‘n ander kastrol, kook die stroop stadig tot die suiker opgelos is, en hou warm.
Skep teelepelsvol van die pampoenmengsel in die warm diep olie en braai tot mooi bruin, olie moenie te warm wees nie.
Skep uit met ‘n gleuflepel en doop in kokende stroop.
Pak in ‘n opdienskottel.

Resep geplaas en foto: Annelise Engelbrecht