Your Recipe Blog

PAMPOENMUFFINS OF -BROODJIE

PAMPOENMUFFINS OF -BROODJIE

Het al paar keer muffins gemaak – HEERLIK. Lekseltjie deeg oorgebly toe blits ek dit in mikrogolf vir 1 min op hoog -troosprys terwyl res bak!
Vandag dit in broodjie vorm saam met patat meel gebruik! Sonder patatmeel effe ligter en droër tekstuur. Patatmeel help vir lekker dig dog klam tekstuur.

  • 1 ½ koppie koekmeel (het vandag 1 koppie gewone meel en ½ koppie patat meel gebruik – WENNER)
  • ½ teelepel bakpoeier
  • 1 koppie (ongeveer 250 g) boerpampoen, gekook en fyngedruk
  • ½ koppie kookolie
  • 2 groot eiers
  • 1 ¼ koppie suiker
  • ½ teelepel kaneel
  • ¼ teelepel gemmer
  • ⅛ teelepel fyn naeltjies
  • ⅛ teelepel neutmuskaat
  • ½ teelepel sout
  • ½ teelepel koeksoda
  • Kaneelsuiker:
  • 1 eetlepel suiker
  • 1 teelepel kaneel (pas aan na smaak)

Sif bakpoeier en meel en al die droë bestanddele saam.
In ‘n ander mengbak meng die nat bestanddele en pampoen.
Voeg die meel- en nat mengsel saam en meng goed maar nie oormeng nie.
Deel in muffin pannetjie in (maak so 12 – 14) of middelslag broodpannetjie.
Meng kaneelsuiker en strooi oor die deegmengsel in die muffin pannetjie.
Muffins bak 20 – 25 min by 180ºC.
Broodjie bak 30 – 40 min by 180ºC.

Resep getoets en aangepas en foto’s: Carmari Fourie Strobos

Leave a Review

Your email address will not be published. Required fields are marked *

*

1 2 3 4 5