MAKLIKE TERTJIEDEEG
- 2 koppies koekmeel
- ½ teelepel kremetart
- ¼ teelepel sout
- 250 g harde botter
- Sodawater (genoeg om ‘n deeg mee te vorm+- 100 ml tot 125 ml)
Meng koekmeel, kremetart en sout. Vryf die harde botter in met jou vingerpunte tot lyk soos growwe mieliemeel. Maak die mengsel aan met sodawater en meng tot ‘n deeg vorm. Draai toe in kleefpastiek en plaas ‘n rukkie in die yskas.
Rol uit op meelbestrooide oppervlak en gebruik vir konfyt tertjies of vleis pasteitjies.
Bak by 180 º C tot mooi bruin.
Nota:
Ek het ‘n glas gebruik om my deeg uit te druk deersnee van die glas so 9 cm … het omtrent 30 uitgekry.
Bron en foto: Petro Van Genderen
