MAKLIKE SPEKSOUTTERT

250 g spek, opgesny
500 ml gerasperde cheddar kaas
10 ml mosterdpoeier
45 ml koekmeel
3 ml sout
500 ml melk
45 ml vars pietersielie, gekap
4 eiers, geklits

Stel oond op 180ºC en bespuit ‘n 28 cm ronde oondbak.
Braai die spek tot gaar en hou eenkant.
Meng mosterd, koekmeel en sout.
Meng so 50 ml van die melk by dit dat dit soos ‘n pasta is.
Roer die res van die melk en die eiers by en klits goed dat daar geen klonte in is nie.
Roer die pietersielie, spek en kaas by die melkmengsel.
Skep in die oondbak en bak 40 min lank of tot gestol.

Nota:
Die tert sak sodra dit uit die oond kom.

Resep en foto: Amanda Austen