MAKETAANSTUKKE MET VARIASIE

Resep en foto: Hilda Harvie

• kalkwater: 15 ml/1 eetlepel kalk op 3.4 liter water
• 6.8 liter water vir elke 3.5 kg stukke
• Sny maketaan in ringe, die breedte wat die stukke moet wees soos verkies.
• Sny dan die sagte deel uit en los die harde deel vir die stukke, ook in die dikte wat nodig is.
• Skil nou die groen skilletjie dun af.
• Prik elk langwerpige stuk met vurk of kapper baie goed, al die wit dele moet deurskynend wees.
• Sny dan in blokkies soos verkies en maak seker stukkies is deeglik geprik.
• Week oornag in kalkwater (15 ml/1 eetl. kalk op 3.4 liter water). Ek gebruik so 6.8 liter water vir elke 3.5 kg stukke.
• Volgende oggend dreineer water af en spoel BAIE goed af onder koue water.
• Kook nou stukke in kokende water vir omtrent 15 minute todat stukke mooi helder kleur het.
• Maak stroop: Vir 3.5 kg vrug:
• 15 koppies suiker
• 15 koppies water
• 12 eetlepels suurlemoensap
• gemmer (Ek kap my gemmer met kombuishammertjie en bind dit toe in ‘n sakkie wat ek sny uit net)
• 1 teleepel sout
• Kook alles saam tot die goed borrel en gooi die stukke een vir een in kokende stroop.
• Stroop moet aanhoudend kook terwyl stukke ingegooi word.
• Kook tot stroop lekker dik is en doen die pieringtoets in vrieskas met stroop.
• Gewoonlik as die stroop so geel skuimpie maak dan raak dit gaar. (ondervinding)
• Laat staan vir ‘n rukkie tot ergste stoom af is en bottel.
• MAKETAAN MET PYNAPPEL
• 3.5 kg gemaalde maketaan – 1.5 kg gemaalde pynappel
• knippie sout
• 10 eetlepels suurlemoen
• 3.750 kg suiker (375 gr vir elke 500 g vrugte)
• Gebruik die binneste sagte deel van Maketaan.
• Haal pitte uit en maal dit. Ek gebruik die Twister, dit werk die beste.
• Vir elke 3.5 kg gemaalde maketaan, gooi 1.5 kg gemaalde pynappel by.
• Kook saam vir 15 min met 2 koppies water in.
• Voeg ‘n knippie sout en 10 eetlepels suurlemoen by.
• Kook totdat die kleur mooi ligte caramel is en toets ook in die yskas (pieringtoets).
• Bottel warm en maak seker lugborrels is uit voor toemaak.
• Hierdie Maketaan het 25 kg geweeg en het 47 botteltjies gelewer. Het een van 41 kg so 3 weke gelede gedoen en het 98 botteltjies uit hom gekry.