LEKKER BEESSTERT MET GROENTE

Ek het gister kortpad geneem in plaas van ondergemelde resep en steeds baie lekker.

Ek het 1,2 kg dun stukkies beestert gekoop en saam met twee gekerfde uie in my prutpot gesit en bedek met water sodat ek my rugby kan kyk.

Kruie wat ek bygegooi het was naeltjies, lourirblare, peperkorrels, gerookte paprika en knoffelvlokkies.

Toe vleis effe begin los raak het ek ‘n paar aartappels ingesny en toe hul begin sag word ‘n pakkie beestert soppoeier gemeng met water bygevoeg en stadig laat prut en sous verdik.

Resultaat is heerlik met baie min vet en van die beentjies so sag jy kan dit kou. (sien foto)

My gewone resep is hieronder.

Gebruik ‘n gietyster pot wat in die oond kan gaan.

Gebruik soveel stukke vleis as wat jy nodig het

Sny die volgende groente op in stukke:
1 of 2 uie
2 tot 3 repe selderystele, insluitend die blare
2 wortels
3 knoffelvingers, hang af van hoeveel vleis jy gaan gebruik
Plaas die volgende in ‘n plastieksak:
genoeg koekmeel om die vleis te bedek wanneer jy dit insit
sout
peper
bietjie gerookte paprika
origanum
Ekstra:
beestert
olyfolie
½ bottel goeie rooiwyn
2 hoender ekstrakblokkies
blikkie tamatie en uiesmoor, opsioneel
aartappels
sout en peper na smaak
Bisto, indien nodig

Plaas stukke vleis in die sak by die meelmengsels. Vou sak toe en rol vleis daarin tot goed bedek met die meelmengsel.
In die kastrol sit ek verkieslik olyf olie of wat jy beskikbaar het om die bodem te bedek en op hitte 4/5.
Braai die stukke vleis wat uit die sak gehaal is en oortollige meel afgeskud is tot goud bruin.
Sit apart in ‘n skottel. Volg tot al die vleis gedoen is.
Moet nie al die vleis op eenslag saam in sit nie anders sal dit nie mooi bruin bak nie.
As dit lyk of daar brandsels onder vassit in die pot moet nie belommerd wees nie dis die lekkerste.
Vat die groente wat jy geskil het en braai dit nou alles saam in die pot tot taamlik medium sag is.
Plaas die vleis weer in die pot en voeg die rooiwyn, water en hoenderekstrak by om alles te bedek.
Jou oond moet so 180°C wees. Die bestanddele moet eers begin goed kook op die stoof.
Sit die deksel op en plaas die pot in die oond. Die beesstert vat ‘n redelik lang ruk maar is dit werd.
Na so ‘n uur kan jy die pot uithaal en proe jy kan ook ‘n half tot vol blikkie tamatie en uie smoor by voeg vir ekstra smaak.
Wanneer vleis redelik sag is, getoets met mes se punt of jy kan sien wanneer vleis wegtrek van been, kan jy aartappels by voeg en nog sout en peper na smaak.
Wanner alles gaar is en jy vind daar is taamlik olie wat bo op dryf kan jy dit afskep, want beesstert het nogal taamlik vet wat uitkook.
Vir ‘n lekker souserige maal kan jy ‘n bietjie Bisto aanmaak met water, nie te dik nie en byvoeg.

Resep en foto: Abri Van Vuuren Nuut