KARIEN SE ROTI ‘S
Aandete was vanaand lekker Lamskerrie met Roti’s.
Net lamstjoppies wat klein opgesny is lekker gebraai saam met fyn gekapte uie en knoffel.
Daarna Korma en Durban Curry cook in sauces gemeng en saam met die vleis laat prut. Net voor opdiening “plain” yogurt ingeroer.
- 500 ml koekmeel
- 2 ml sout
- 250 ml kook water
- 2 eetlepels olie
- margarien of botter
Sif meel en sout saam. Meng water en olie en sny dan met ‘n mes in saam met meel mengsel. Knie totdat ‘n sagte deeg gevorm het. Rol die deeg langwerpig uit op ‘n meel bestrooide oppervlak en smeer margarien of botter oor. Rol op soos ‘n rolkoek en sny in 8 stukke. Bedek en hou eenkant.
Wanneer gereed om te bak –
Rol elke stuk in ‘n bolletjie en rol dun uit op ‘n meel bestrooide oppervlak.
Smelt ‘n bietjie olie en botter in ‘n non-stick pan en braai so minuut aan elke kant of tot gaar.
Resep en foto: Karien Bronkhorst
