HOENDER ROERBRAAI MET SUIKERERTJIES EN NARTJIES

15 ml olyfolie
1 ui, opgekap
2 cm gemmer, skoongemaak en in skyfies gesny
15 ml sojasous
15 ml suurlemoensap
2 hoenderborsies, opgesny in skyfies
5 ml sout
5 ml grof gemaalde swartpeper
1 rooi soetrissie, opgesny in ringe
20 heel suikerertjies
2 klein nartjies, geskil en skyfies uitmekaar gehaal

Verhit die olyfolie in ‘n pan. Voeg die gekapte ui en gemmer by en braai op lae hitte tot uie mooi bruin is.
Voeg sojasous, suurlemoensap, hoenderstukkies, sout en swartpeper by en roerbraai op medium hitte totdat die hoender gaar is (ongeveer 10 tot 15 minute).
Voeg soetrissie, ertjies en nartjies by en roerbraai vir ongeveer 10 minute.
Die groente moet nog krakerig wees.
Sit die deksel op en laat rus vir 5 minute voor opdiening.
Bedien saam met kapokpatats of kapokaartappels of stysel van jou keuse.