HEERLIKE LAMSBOUD IN DIE KONVEKSIE OOND
Heerlike skaapboud vir ‘n konveksie oondjie. Ek kan met sekerheid sê as julle hom so gaan maak is daar geen ander manier wat jy sal wil probeer nie, die vleis is so sag en sappig en om op te hou is moeilik.
- 1 lambsboud
- 3 – 4 knoffelhuisies, in kwarte gesny
- vars basilliekruid blare, heel
- spek, in blokkies gesny
- vars roosmaryn takkies, in 3 cm stukkies gesny
- groen en rooi soetrissie, in stukkies gesny
- 1 ui, in stukkies gesny
- peppadew (mild), in stukkies gesny
- 15 ml rooiwyn asyn
- ¼ koppie basilliekruid “infused” olyfolie (Foodlovers hou dit aan )
- ¾ koppie rooiwyn (Cabernet Sauvignon)
- 50 ml Worcestersous
- 200 ml Championship braaisous (Checkers)
- peppadew spice
- Shake me spice (steak en chops geur)
- sout en peper
Druk die boud goed vol gate (moenie skaam wees nie) en spice dit goed in die gate met die droë speserye.
Druk ‘n ¼ stukkie knoffel in elke gat gevolg met ‘n heel basil blaar, dan ‘n stukkie ui en dan die spek blokkie, gevolg met die groen en rooi rissie en laastens ‘n stukkie peppadew.
Druk in elke gat ‘n stukkie roosmaryn net sodat die blaartjies uitsteek en plaas die boud in ‘n bak vir marinering.
As daar ui en soetrissies ens. oorbly, gooi dit saam in die bak.
Meng die asyn, wyn, Worcestersous, en braai sous in ‘n aparte bak en spuit die boud goed met die sous, giet die oorblywende sous oor die boud en laat dit goed marineer vir so 2 ure.
Sit ‘n “extension” ring op jou oondjie en voorverhit dit. As dit afslaan stel die grade op 190°C en waaier spoed, meduim, sit die boud in en na elke ½ uur smeer die oorblywende marineersous oor die boud en draai om.
Sal ongeveer 2 ure neem afhangende van die grootte van die boud.
Haal uit sodra die boud gaar is, laat effens afkoel, sny en geniet!!!
Resep en foto: Ilona Turner
