GRONDBOONTJIEBOTTER HOENDER

600 g hoenderborsies, in blokkies gesny
100 ml sojasous
2 teelepels knoffel
½ teelepel gemmer
1 ui, in ringe gesny
1 teelepel kerriepoeier
½ teelepel komyn
½ teelepel gedroogde koljander
4 opgehoopte eetlepels grondboontjiebotter
2 eetlepels blatjang
2 koppies water
sout en peper na smaak

Meng sojasous, knoffel, gemmer en hoenderstukkies. Laat dit vir so ‘n uur teen kamertemperatuur staan.
In ‘n warm pan, braai hoender in olie baie vinnig net totdat dit ligbruin is. Pasop, hoenderborsies kan baie vinnig uitdroog.
Skep hoender uit die pan en hou dit eenkant. Voeg nog bietjie olie in pan en braai ui tot sag. Voeg kerrie, komyn en koljander en braai vir nog so ‘n minuut.
Meng grondboontjiebotter, blatjang en water en voeg dit by uie-spesery-mengsel in pan. Verlaag hitte en plaas hoenderblokkies in sous.
Laat hele mengsel prut vir so 12 – 15 minute. Toets ‘n stukkie om te kyk of dit deurgaar is. Bedien met basmatirys.

Resep en foto: Zita Harper