GROENTAMATIEBLATJANG

3 kg groen tamaties, gesny en geskil in klein blokkie
125 ml sout
1½ kg fyngekapte uie
750 ml suiker
750 ml asyn

Strooi die sout oor die gesnyde tamaties en laat oornag staan, dreineer die volgende dag oortollige vloeistof af.
Roer uie, suiker en asyn by tamaties en kook vir 1 uur.

Meng nou die volgende saam tot daar geen klontjies meer is nie:
90 ml koekmeel
30 ml kerriepoeier
30 ml mosterd
5 ml rooipeper
15 ml borrie
125 ml appelkooskonfyt
375 ml asyn

Voeg nou 250 ml van die warm tamatiemengsel by die kerriemengsel en meng goed.
Roer die kerriemengsel in by die res van die kokende tamaties en kook vir 15 min. Roer aanhoudend.
Bottel warm in gesterliseerse flesse.

Resep geplaas deur Mariska Rossouw
Foto: Franci Lemmer