GRAVADLAX MET DILLSOUS
(a Scandinavian dish of dry-cured salmon marinated in herbs)
Kyk wat het ek nou net gemaak – 2,2 kg Norweegse salm wat ek GRAVADLAX mee gemaak het. Dit gaan nou yskas toe met foelie bedek en gewigte op vir so vier dae.
(Vir die groot vis nadat die kop, vel en grate verwyder is)
- 3 eetlepels growwe seesout
- 3 eetlepels wit suiker
- 2 teelepels growwe swartpeper
- 2 eetlepels Vodka
- vars gekapte dille
Meng die piekel speserye en strooi onder in ‘n vlak bak. Sit een deel salm op en sprinkel weer speserye en dil oor. Plaas ander helfte van vis bo-oor en bedek weer met dil en spesery mengsel. Plaas tinfoulie bo-oor en sit gewigte bo-op sodat dit kan pars vir so vier of vyf dae.
Sny dit dan in papierdun skyfies en bedien saam met dille sous. (Sit die vis in die yskas)
- DILLE SOUS
- 4 eetlepels aangemaakte Franse of Duitse mosterd
- 2 eetlepels suiker
- 2 groot eiergele
- 14 eetlepels olyfolie
- 4 eetlepels wynasyn
- sout en peper
- 2 eetlepels gekapte vars dille
Klits die mosterd, suiker en eiergele goed. Voeg die olie en asyn geleidelik by terwyl aanhoudend klits. Meng goed na elke byvoeging. Voeg sout, peper en gekapte dille by. Meng goed en plaas in yskas.
Resepte en foto: Martie Fourie Moolman
