GIDEON SE UIE “FRITTERS”
Resep en foto: Gideon Louw
Ek het vanaand vir my en vroulief heerlike uie in my rooipannetjie gebak.
Maak net genoeg want dit is verslawend.
Dit is heerlik krakerig buite en supersag binne.
- 2 uie fyn gekerf
- genoeg gekerfde sprietuie
- 1 klein wortel gerasper
- 180 g bruismeel
- 1 eetlepel fyn gedrukte knoffel
- 1 teelepel brandrissie flokkies
- 1 teelepel sout
- 200 ml bier
- Skil en kerf die uie, sprietuie en die wortel fyn en meng saam.
- Meng die res van die bestanddele daarby en meng goed. saam en
- Bak eetlepels vol in warm olie tot mooi goudbruin aan albei kante.
- Dreineer op handoek papier.
- Nota:
- Ons het nog ‘n bietjie braaisout agterna oor gesprinkel.
