GEVULDE BOTTERSKORSIE
Resep en foto: Elaine Steyn
- 3 medium of 2 groot botterskorsies
- 500 g laevet maalvleis
- 1 ui, gekap
- 3 medium murg pampoentjies, in stukkies gesny
- 2 medium tamaties, klein gesny
- knoffel na smaak
- 30 ml kookolie
- sout en peper na smaak
- groot knippie paprika
- gerasperde cheddar kaas
- Was botterskorsies en sny langwerpig in twee helftes en verwyder die pitte. Moenie skil nie.
- Smeer met olie en geur dan met sout en peper. Plaas op gesmeerde bakplaat, met gesnyde kant na onder.
- Bak vir sowat 40 tot 45 minute by 180°C tot sag.
- Braai uie in olie tot sag. Voeg knoffel by en braai nog so minuut of twee.
- Voeg maalvleis by en braai tot bruin. Voeg sout, peper en paprika by.
- Voeg ander groente by en bietjie kookwater.
- Kook tot groente sag is en meeste water weg gekook het. Verwyder van plaat en hou eenkant.
- Skep van die sagte botterskorsie uit en meng by maalvleis mengsel in.
- Skep in uitgeholde botterskorsie en strooi kaas bo oor.
- Plaas terug in oond en bak tot kaas verbruin.
- Nota: Ek het voorgesit met knoffel rys.
