GEROOSTERDE WELSH RAREBIT TOEBROODJIES

“’n Vinnige middagete… maar ekstra spesiaal met ‘n paar geure van welsh rarebit in ‘n geroosterde toebroodjie. ‘n Spesiale bederf vir ‘n koue wintersdag.”

2 dik snye volkoringbrood
100 ml gerasperde Cheddarkaas
30 ml mayonnaise
15 ml suurroom
2 dun skywe uie, fyngekap
1 teelepel Worcestersous
sout en peper, na smaak
2 snye Cheddarkaas
olie en botter, vir vlakbraai

Meng gerasperde kaas, mayonnaise, suurroom, ui, Worcestersous, sout en peper.
Plaas op een sny brood.
Plaas twee snye kaas bo-op, asook tweede sny brood.
Braai in ‘n mengsel van olie en botter aan beide kante tot goudbruin.

Resep en foto: Ilze Jacobs