FRIKKIE SE GEBAKTE KARAMEL SJOKOLADE KAASKOEK

Resep en foto: Frikkie Jones

• Kors:
• 100 g gemmerkoekies
• 50 g gerolde hawermout
• 75 g botter, gesmelt
• Vulsel:
• 1.25 kg roomkaas by kamertemperatuur
• 290 ml strooisuiker
• 10 ml vanilla ekstrak
• knippie sout
• 5 groot eiers by kamertemperatuur
• Vir Sjokolade kaaskoek (opsioneel):
• 120 ml warm sjokoladepoeier (hot chocolate)
• 20 ml kakaopoeier
• Kookwater om bg. aan te maak tot glad. In totaal moet alles nie meer as 150 ml aangemaak wees nie.
• Bolaag:
• 1 blik karamel kondensmelk
• growwe sout vir bo-op
• Smeer ‘n 23 cm veerklamppan met margarien.
• Bedek die bodem en kante van die pan met silikon papier.
• Verwerk die koekies en hawermout in voedselverwerker tot krummels.
• Meng met die botter en druk vas teen bodem van die pan. Verkoel tot benodig.
• Klits die eiers, strooisuiker, sout en vanilla tot goed gemeng.
• Werk die roomkaas tot glad en sag MET DIE HAND.
• Voeg die eiermengsel by en meng versigtig tot glad MET DIE HAND.
• Giet twee derdes van die mengsel in die pan oor die kors. Maak gelyk.
• Meng die sjokolade stroop met die oorblywende derde beslag en giet bo-oor die vanilla mengsel. Maak gelyk.
• Bak 10 min in ‘n 200°C oond. Verlaag die hitte na 100°C en bak vir nog 90 min.
• Skakel die oond af en laat in oond afkoel.
• Verkoel in yskas ten minste 2 dae voor bedien word.
• Ontvorm die kaaskoek versigtig en roer die karamel Kondensmelk tot glad.
• Verdun met ‘n leksel melk en smeer oor die koek.
• Sprinkel ‘n paar korrels growwe sout oor om die baie soet teë te werk.
• Bedien by kamer temperatuur (met lewensessens agterna):)