FRANCO SE BOTTERHOENDER

1 ui, fyn gekap
3 knoffelhuisies, gekap
½ toon gemmer, gerasper
800 g hoender fillette, in blokkies gesny
50 ml tamatie pasta
2 groot teelepels hoender masala
2 eetlepels botter hoender speserye
500 ml gewone volroom jogurt
1 gekapte rissie opsioneel
sout en peper na smaak
½ teelepel elk kaneel en komyn
100 g regte sout botter

Braai ui, knoffel en alle speserye saam tot uie gaar is. Voeg hoender by en braai liggies tot gaar. Voeg nou tamatie pasta by met bietjie water. Laat stadig prut.
Hoender moet sag wees maar nie uitmekaar val nie.
Voeg nou joghurt en botter by en laat weer stadig prut met sout en peper na smaak. Jy kan hier ook so bietjie suiker byvoeg as jy van soeter kerrie hou.
Sout moet effens verdik gedurende kook proses.
Bedien met basmati rys.

Resep geplaas deur Franco Dippenaar
Foto: Franco Dippenaar